*તેમનું નામ પવિત્ર કરો*
> `”પરંતુ સૈન્યોના પરમેશ્વર યહોવા નિષ્ઠાપૂર્વક ન્યાય કરશે અને આમ કરીને પોતાની મહાનતા પ્રગટ કરશે. પરમ પવિત્ર પરમેશ્વર ન્યાયી આચરણ કરીને બતાવશે કે તે પવિત્ર છે.” — યશાયાહ ૫:૧૬`
જ્યારે પરમેશ્વરે મુસાને કહ્યું, “_કારણ કે તમે મારા પર વિશ્વાસ ન કર્યો, તેથી તમે ઈસ્રાએલીઓની નજરમાં મને પવિત્ર ઠરાવ્યો નહીં…” (ગણના ૨૦:૧૨), તેમણે એક ગહન સત્ય પ્રગટ કર્યું. જ્યારે તેમના લોકો તેમનામાં વિશ્વાસ કરે છે અને તેમનું સંપૂર્ણ પાલન કરે છે ત્યારે પરમેશ્વરનું નામ પવિત્ર થાય છે.
આપણે પરમેશ્વરને પવિત્ર નથી બનાવતા – તે પોતે અનંતકાળથી પવિત્ર છે. પરંતુ તે ઇચ્છે છે કે આપણે તેમને પવિત્ર માનીએ, એટલે કે, આપણી લાગણીઓ, તર્ક અને સંજોગોને પાર કરીને, તેમના વચન પર વિશ્વાસ કરીએ, .
પરમેશ્વરે મુસાને ખડક સાથે વાત કરવાનું કહ્યું, પરંતુ તેમણે તેને માર્યો. પાણી બહાર આવ્યું, પરંતુ મુસા પરમેશ્વરની પવિત્રતા પ્રગટ કરવામાં નિષ્ફળ ગયા કારણ કે તેમણે સરળ આજ્ઞાપાલનને બદલે અવિશ્વાસ અને પોતાની ઇચ્છાથી કાર્ય કર્યું.
આજે ઘણા વિશ્વાસીઓ આ જ ભૂલ કરે છે. આપણે પ્રાર્થના કરીએ છીએ, ઉપાસના કરીએ છીએ અને સેવા કરીએ છીએ, પરંતુ જ્યારે પરમેશ્વર બોલે છે, ત્યારે આપણે આપણો પોતાનો રસ્તો પસંદ કરીએ છીએ. આપણે કહીએ છીએ કે આપણે તેમનામાં વિશ્વાસ રાખીએ છીએ, પરંતુ આપણા કાર્યો ભય, શંકા અને અધીરાઈ દર્શાવે છે.
પરમેશ્વરના નામને પવિત્ર કરવાનો અર્થ છે: પરમેશ્વર જે કહે છે તે માનવું. તેમના દરેક આદેશનું સંપૂર્ણ ભક્તિભાવથી પાલન કરવું. આપણા જીવનમાં તેમના પાત્રને સાચા અર્થમાં પ્રગટ કરવું. એવું જીવન જીવવું જે પરમેશ્વરનું સન્માન અને મહિમા કરે! આજ્ઞાપાલનનું દરેક પગલું જાહેર કરે છે: “પરમેશ્વર વિશ્વાસુ છે. તેમનું વચન પૂરતુ છે.”
ખ્રિસ્તમાં તમારો ભાઈ,
પ્રેષિત અશોક માર્ટિન
