*તમે કોઈ અકસ્માત નથી!*
`તારા સૃષ્ટિકર્તા, ગર્ભસ્થાનમાં તને રચનાર અને તને સહાય કરનાર પરમેશ્વર એવું કહે છે: “હે મારા સેવક યાકૂબ, મારા પસંદ કરેલા યશુરૂન, તું બીશ નહિ.” [યશાયા 44:2(CEV) અનુસાર]`
“_સર્વ તેનામાં શરૂ થયું અને તેનામાં તેનો હેતુ શોધે છે.” કોલોસ્સા 1: 16[MSG]_. તમે કોઈ અકસ્માત નથી. પરમેશ્વર પાસા રમતા નથી. તમારો જન્મ કોઈ ભૂલ કે દુર્ઘટના ન હતી, અને તમારું જીવન કુદરતનો કોઈ પ્રવાહ નથી. બની શકે કે તમારા માતા-પિતાએ તમારું આયોજન ન કર્યું હોય, પણ પરમેશ્વરે કર્યું. તમારા જન્મથી તેમને જરાય આશ્ચર્ય થયું ન હતું. હકીકતમાં, તેમણે તેની અપેક્ષા રાખી હતી. તમારા માતા-પિતા દ્વારા ગર્ભધારણની કલ્પના કર્યા તે પહેલાં, તમે પરમેશ્વરના મનમાં કલ્પિત થઇ ગયા હતા. તેમણે પહેલા તમારા વિશે વિચાર્યું. આ ક્ષણે તમે શ્વાસ લઈ રહ્યા છો તે ના ભાગ્ય, ના તક, ના નસીબ, કે કોઈ સંયોગ નથી. તમે જીવંત છો કારણ કે પરમેશ્વર તમને બનાવવા માંગતા હતા! બાઇબલ કહે છે, _”પરમેશ્વર મારા માટે તેમનો હેતુ પૂરો કરશે.”_
બાઇબલ આપણને કહે છે, _”પરમેશ્વર પ્રેમ છે.”_ તે એવું નથી કહેતું કે પરમેશ્વરમાં પ્રેમ છે. તે પ્રેમ છે! પ્રેમ એ પરમેશ્વરના પાત્રનો સાર છે. ત્રિએક પરમેશ્વર પોતાની જ સંગતિમાં સંપૂર્ણ પ્રેમ છે, તેથી પરમેશ્વરને તમને બનાવવાની જરૂર ન હતી. તે એકલા ન હતા. પરંતુ તે તેના પ્રેમને વ્યક્ત કરવા માટે તમને બનાવવા માંગતા હતા. પરમેશ્વર કહે છે, _”તારો જન્મ થયો ત્યારથી મેં તને વહન કર્યું છે; તારા જન્મથી મેં તારી સંભાળ લીધી છે. જ્યારે તું વૃદ્ધ થઈશ ત્યારે પણ હું એવો જ રહીશ. તારા વાળ સફેદ થઈ જશે ત્યારે પણ હું તારી સંભાળ રાખીશ. મેં તને બનાવ્યો છે અને તારી સંભાળ રાખીશ.”_
પરમેશ્વરે આપણા શરીરની દરેક વિગતો નક્કી કરી છે. આપણી જાતિ, આપણી ત્વચાનો રંગ, આપણા વાળ અને અન્ય દરેક વિશેષતા. બાઇબલ કહે છે, _”તમે મને અંદર અને બહારથી જાણો છો, તમે મારા શરીરના દરેક હાડકાને જાણો છો.” આપણા પરમેશ્વરે કોઈ ભૂલ કરી નથી. તેમણે તમને ગર્ભની અંદર એકસાથે ગૂંથ્યા છે, તમે તે જ છો જે તે બનાવવા માંગતાં હતા. તમારા માતા-પિતા પણ તે જ છે જે તેમણે પસંદ કર્યા હતા. જો કે તમે જે આઘાતનો સામનો કર્યો હતો તે સરળ નહોતું. અને પરમેશ્વર રડ્યા કે આં બધી બાબતોથી તમને ઘણું દુઃખ થયું; પરંતુ પરમેશ્વરે આ વસ્તુઓને તમારા હૃદયને આકાર આપવા માટે મંજૂરી આપી.જેથી તમે તેની સમાનતામાં વૃદ્ધિ પામો.
ખ્રિસ્તમાં તમારો ભાઈ,
પ્રેષિત અશોક માર્ટિન