ગુરુવાર // 12મી ડિસેમ્બર 2024
ઇસુ ખ્રિસ્ત પવિત્રશાસ્ત્રનું પ્રગટીકરણ છે!
પછી ઈસુએ બધું સમજાવવાની શરુંઆત કરી. જે તેના સંબંધી ધર્મલેખોમાં લખાયેલું હતું. ઈસુએ મૂસાના પુસ્તકોથી શરુંઆત કરી અને પછી પ્રબોધકોએ તેના વિષે શું કહ્યું હતું તેની વાત કરી. લુક 24:27
ઇસુ માત્ર જુના કરાર કરતાં પોતાની જાતને વધુ સત્તા આપે છે એટલું જ નહીં, પરંતુ તેની પાસે પોતાની જાતને એક એવા વ્યક્તિ તરીકે રજૂ કરવાની હિંમત હતી કે જેના વિશે અગાઉના તમામ પવિત્ર શાસ્ત્રોમાં લખેલુ છે! કેટલાક ફરોશીઓ સાથેની ચર્ચામાં, ઈસુએ તેઓને કહ્યું, “તમે શાસ્ત્રોનો ખંતપૂર્વક અભ્યાસ કરો છો કારણ કે તમને લાગે છે કે તેમાં તમને શાશ્વત જીવન મળે છે.”
આ તે જ શાસ્ત્રો છે જે મારા વિશે સાક્ષી આપે છે, તેમ છતાં તમે જીવન મેળવવા માટે મારી પાસે આવવાનો ઇનકાર કરો છો.” અને એક ક્ષણ પછી તેમણે ઉમેર્યું: “જો તમે મૂસા પર વિશ્વાસ કર્યો હોત, તો તમે મારા પર વિશ્વાસ કરત, કારણ કે તેણે મારા વિશે લખ્યું છે” (યોહાન 5: 39-40, 45 46). તે તદ્દન આશ્ચર્યજનક દાવો છે! ઇસુ ખાસ કરીને બાઇબલના પ્રથમ પાંચ પુસ્તકો વિશે વાત કરી રહ્યા છે, પરંતુ અન્યત્ર તેમણે આ જ શિક્ષણને સમગ્ર જુના કરાર પર લાગુ કર્યું. તેમના પુનરુત્થાન પછી, ઈસુએ તેમના શિષ્યોને સમજાવ્યું કે શા માટે તેમણે દુઃખ સહન કરવું અને મૃત્યુ પામવું પડ્યું. તેમણે તેઓને કહ્યું કે મૂસાના નિયમ, પયગંબરો અને ભજનસંહિતામાં તેમના વિશે જે લખેલું છે તે બધું જ પૂરું થવું જોઈએ. અને આ રીતે, લુક લખે છે, ઈસુએ “તેમના મન ખોલ્યા જેથી તેઓ શાસ્ત્રને સમજી શકે.”
“પવિત્ર શાસ્ત્રનો ખંતપૂર્વક અભ્યાસ” કરવાનો એકમાત્ર યોગ્ય રસ્તો એ છે કે તેનો અભ્યાસ એવી રીતે કરવો કે જે દર્શાવે છે કે તે બધું ઈસુ વિશે કેવી રીતે પૂર્ણ થયું. જેથી વચનમાં જીવન મેળવી શકાય છે.
ખ્રિસ્તમાં તમારો ભાઈ,
પ્રેષિત અશોક માર્ટિન